當「同路人」不再同路，咁點呢？日前，消失大半年的立法會前議員游蕙禎，突然喺社交平台浮水，貼咗一段呼籲港人留低的影片。但有網民就話佢得把口，根本冇實際建議，只係「情緒勒索」喎！不過走咗佬的九龍城前區議員郭天立隨後就喺自己的社交平台發文，除咗撐游蕙禎外，仲做和事佬，叫黃友唔好互罵添！

郭天立帖文咁講，「當我們正呼吸自由的空氣、歲月靜好，又有沒有想過，游蕙禎、劉穎匡還有無數2016年及2019年起或知名、或無名的香港人，曾為我們負重前行？」係囉，呢班著草友，撇低香港的手Joke，喺外國逍遙自在，內心過唔過意得去呀？郭天立又話見到黃人「為去留問題互相攻擊，甚至不願對方好過」，兩邊互插，「離開的人會說留港的人『戇居』、『擁抱大灣區』、『無能力』，留下來的人會說離開的人是『逃兵』、『背棄香港』。另外，佢話冇講過自己係永久離港，更冇自稱「流亡」，更唔排除日後會回港添！

去或留，都係個人選擇，黃友又何必鬼打鬼呢？唯有贈手Joke一句：「相煎何太急」啦！

原圖：郭天立facebook、游蕙禎facebook

https://www.facebook.com/RealTonyKwok/photos/1965284320285671

https://www.facebook.com/yauwaiching/photos/a.710108406035745/1568628216850422/