大前晚（27日）發生喺通菜街嘅一間台式飲品店門口嘅街頭襲擊案，相信大家都有睇到網上瘋傳嘅視頻片段。好消息係，呢兩名惡人已分別喺琴日（29日）嘅下晝同傍晚畀警方拉咗啦！

據了解，當時33歲嘅黃姓男事主，帶埋太太同年僅4歲嘅囡囡，一家三口排緊隊準備買嘢飲。殊不知，女童唔覺意撞到前面嗰兩名男子，雙方竟然因此產生口角，隨後男事主梗被對方圍毆，無奈男事主雙拳難敵四手。當男事主扯住其中一惡男想阻止佢離開時，嗰位惡人居然除去上衣，跟手同同夥就咁跑走！不過，天網恢恢，警方好快就鎖定呢兩位施暴者，並喺琴日（29日）晏晝4點幾，喺黃大仙彩雲邨附近拘捕一名32歲姓蔡男子，據了解呢名男子就係事發時上演金蟬脫殼的人士。而兩小時後，傍晚6時，警方再喺通菜街拘捕另一名姓練35歲男子。

警察好嘢！好彩警方喺短時間之內將呢二位惡霸捉拿歸案，如果唔係，真係唔知呢啲連小妹妹唔小心撞到都要發惡嘅人，會再做出啲乜嘢事嚟。呢啲咁嘅惡煞，留喺社區一日都嫌多！感謝香港警察為民除害。

原圖：視頻截圖

https://www.youtube.com/watch?v=eRmGB4RnL88