俄烏戰爭打響多日，雖然戰果暫時未明，但已經令各方大跌眼鏡。有軍事專家曾認為烏克蘭首都基輔大有可能喺開戰後72小時內淪陷，本以為係一場毫無懸念嘅戰爭，但勢估唔到喺歐美助力之下，烏克蘭竟然可以同俄羅斯打得戰況焦灼。

據俄羅斯國防部早前公布的官方傷亡數字，俄軍有498名士兵死亡，1,500多人受傷；烏克蘭方面則聲稱有超過5,800名俄軍士兵死亡。無論你信邊個數字都好，以現代戰爭嚟講，都算得上係唔細嘅數字。俄羅斯作為世界第二嘅軍事強國，對付一個小小烏克蘭，何以打得焦頭爛額，甚至可以話係傷亡慘重？

作為擁有核武嘅軍事強國，俄羅斯若認真起上嚟，以「鋼鐵洪流」淹沒烏克蘭真係分分鐘嘅事，但亦要知道俄羅斯今次並非為侵略烏克蘭而出兵，除咗為阻止北約勢力繼續東擴外，亦希望通過維和行動將烏克蘭人民從「新納粹主義」解放出嚟。既然係維和行動，就理所當然要盡量避免平民傷亡，再強嘅飛機大炮同坦克火箭，喺遍佈民居嘅城市街巷之中，亦難有用武之地。

「不敢」，只是因為「不忍」

反觀有西方撐腰嘅烏克蘭做得夠狠夠絕，既禁止18至60歲健全男子離開本國，更向民眾發放槍枝，變相強迫平民抄起槍桿與職業軍人陣前撕殺。加之歐美諸國推波助瀾，將「刺針」、「標槍」等先進武器，好似唔使錢咁源源不絕往往烏克蘭送，令俄羅斯軍隊嘅維和任務連番遇挫，更讓烏克蘭淪為一片頹垣敗瓦，多少百姓流離失所、多少孩子成為戰爭孤兒。

或許喺列強眼中，烏克蘭除咗喺對付俄羅斯嘅一隻棋子，更係一片大型「武器實驗場」，為獲取戰爭大數據，西方可以不惜一切，因為呢一片並唔係佢哋嘅土地，死嘅亦唔係佢哋嘅子民，完事拍拍屁股就走人。無論誰勝誰負，俄羅斯與烏克蘭呢兩個同宗同源嘅國家，都係輸家。

戰爭之初，曾有好事者問，為何中國大陸不趁亂武統台灣？俄烏戰爭給出了答案，就是「不敢」！不敢讓中國再陷戰火、不敢台海生靈塗炭、不敢兩岸手足相殘、更不敢讓同胞一嚐烏克蘭之苦……「不敢」，只是因為「不忍」。

原圖：Pixabay

https://pixabay.com/illustrations/apocalypse-city-ruins-buildings-6559868/

https://pixabay.com/vectors/taiwan-map-silhouette-countries-1360071/