有小強之稱、外號Tommy仔、黃到出汁嘅黃絲歌手阮民安，素來支持黃黑，又經常喺網上發表相關言論，唔少人當時都猜想佢會唔會步何韻詩後塵？
最終，大家最期待嘅畫面終於出現啦！阮民安於噚日(15日)被警方國安處拘捕，涉嫌「作出具煽動意圖的作為」及「洗黑錢」兩罪，另一名20歲男子亦同樣涉「洗黑錢」被捕。警方於行動中，喺兩人寓所檢獲銀行卡及紀錄等，保安局局長並引用《香港國安法》嘅凍結財產令，於本地銀行戶口同馬會投注戶口中凍結共約14萬元資產。
警方國安處高級警司李桂華於噚日嘅記者會上表示，涉案兩人同屬親屬關係。究竟邊個親屬？消息指，親屬係阮民安前妻個細佬。
李桂華指，阮民安於去年3月以個人名義發文，呼籲市民捐款支持暴動罪被捕嘅「手足」，而警方調查顯示，多人於去年3月至11月，因其呼籲而入錢，而涉款大約100萬。而該筆款項會先傳入案中另一名被捕嘅20歲男子戶口，警方根據分析及紀錄得知，大約15萬用作私人用途，例如吃喝玩樂，另外27萬則轉入一個馬會投注戶口，作賭博之用。
至於阮民安所涉嘅「煽動意圖行為」，李桂華指佢由去年9月開始喺社交媒體上，多次發佈具煽動性言論，企圖引起市民憎恨香港政府及司法制度，李桂華舉列指被捕人自第5波疫情開始後，已開始抹黑政府防疫策略及杯葛防疫措施。
李桂華指其更大唱反調，又以「打針會死人！打完針都未必唔中！唔跪低都會生活得好好！」等句子威嚇市民，兼且用粗言穢語批評專家。
而噚日傍晚，阮民安被押往火炭黃竹洋街一單位調查。
阮民安涉「煽動意圖行為」一啲唔都意外，但居然將黃友啲捐款中飽私囊，用嚟吃喝玩樂兼賭錢，唔知一眾有「援助」佢吃喝玩樂嘅黃友，意唔意外？驚唔驚喜？揼唔揼心口？
原圖：星島日報
投票已截止，多謝支持
返回
