走咗佬都要得閒甫吓頭，show畀黃友睇嘛！公民黨前副秘書長、前區議員劉珈汶琴日（1日）喺社交平台上傳咗一張和末代港督彭定康（肥彭）的合照，帖文中英並用咁寫「It’s my honor to meet Mr. Chris Patten at the Welcome HK Reception today!非常榮幸親身見到香港最後一任總督彭定康！」，仲加上「細細個就喺教科書見過呢個名」和「呢個卡一定要打」兩個tag添！

劉珈汶舊年辭任區議員後就去咗英國，出席當地歡迎香港酒會時遇到肥彭，即刻拉住佢打卡。不過，肥彭已經離任港督就嚟25年，但近年仲處處插手香港事務，而家又出席呢個歡迎酒會，唔知係咩居心呢？

講番張相，劉珈汶都幾似時下fans遇到偶像時咁，笑得開心之餘又有少少拘謹。不過，作為親英黃人，同肥彭打個卡，又可以刷下存在感，幾好呀！

原圖：劉珈汶facebook

https://www.facebook.com/carmenkamanlau/posts/652535062747073