香港完善選舉制度後嘅第一屆立法會選舉，總算係塵埃落定，反中亂港者再無緣參政，香港未來將會由愛國愛港者揭開新一頁。新一屆立法會有唔少「政壇新秀」磨拳擦掌，廣大香港市民亦都非常期待撥亂反正後嘅議會可以帶嚟啲乜，而以下三件事，就係新屆議會應該要做，必須要做嘅事。

第一件事，當然就係講咗接近二十年嘅《基本法》第二十三條。無錯，國家係幫我哋香港人立咗《港區國安法》，但香港絕對唔可以因為咁樣而懶懶閒，重光後嘅議會已經再冇藉口令23條立法一拖再拖，立法係香港應有之義，必須要做！

第二件事，就係立《辱警罪》保障執法者。香港最黑暗嘅時期已經過去，呢個時間立《辱警罪》係就係遲咗啲，甚至可以話係意義大於實際，但遲咗做就唔代表唔需要做，呢個係香港人欠香港警隊嘅一個公道，亦係對執法者止暴制亂嘅一種報答。

第三件事，作為國家《十四五》規劃中最為重要嘅國際樞紐，香港係時候爭取同內地通關喇。疫下封關帶嚟嘅經濟同社會問題已經困擾香港人將近兩年，如何令內地對香港重拾信心，絕對係港府同新一屆議會面對嘅大難題，但係難從來都唔係藉口，一定要諗辦法解決。

今屆立法會選舉結束後，香港只係啱啱開始，23條、辱警罪、與內地通關，三件大事缺一不可，認同請Like！

原圖：星島日報、Pixabay

https://std.stheadline.com/daily/article/2212116/

https://std.stheadline.com/realtime/article/1112857/

https://std.stheadline.com/realtime/article/1632814/

https://pixabay.com/zh/photos/hong-kong-victoria-harbour-panorama-2678269/