有黃公務員認為,由黃營定義嘅烏托邦式嘅「自由」真係好重要,甚至值得放棄高薪厚祿去爭取喎,呢位就係天文台前科學主任、前「天氣先生」胡宏俊。
胡宏俊今年初拒簽聲明擁護《基本法》及效忠特區,決定放棄月薪逾10萬嘅「筍工」移民英國,全因要喺大英帝國搵返所謂嘅言論自由。佢形容香港局勢如「打緊大風」,預測未來「天氣」持續轉差,言論自由都唔會咁快恢復,仲懶煽情咁話,「我希望自己預測錯,但我好多時都預測得啱。」
胡宏俊去到英國繼續重操舊業做「天氣先生」,不過唔係英國嘅電視台聘請佢咯,而係自己開個頻道做「天氣KOL」,之不過就聽者寥寥,每條片都係得一千幾百嘅閱讀量,邊有以前面對幾百萬觀眾咁威威呀。
佢仲話,自從6月底舉家移民英國後,要適應當地天氣、生活環境等,變成無固定工作嘅自由人,午夜夢迴亦曾自問決定辭職係咪「最好」嘅決定喎。但跌落地都要揦返拃沙向來係黃營人士嘅基本屬性,胡宏俊就認為,國安法實施後「政府幫我做咗決定」,於是佢就選擇放棄高薪,移民英國追尋「普世價值」啦。
胡宏俊嘅言論畀網民鬧爆,有人鬧佢「洗緊香港納稅人錢卻忘本,高調指手劃腳,口出惡言,的確是個「人物」!」亦有人希望佢幫忙驗證英國是否真自由,建議「胡先生可天天公開罵英國皇室,試試可否連續罵二十年以上;若果不行,則英國自由程度可比不上中國香港。」
大家有咩想同佢講呢?
原圖:hkweather影片截圖
https://www.youtube.com/watch?v=L5xEOSAEQuI
投票已截止,多謝支持