歌手林子祥（阿Lam）唱歌勁好多人知，但內地新一代就未必好熟悉阿Lam，而阿Lam早前現身內地節目後，多咗勁多90後粉絲，單係討論林子祥肺活量有幾高，已經成為微博熱搜，有1.9億閱讀量，而其參與拍攝嘅真人騷，於YouTube播放己過百萬點擊率，林子祥更被內地新一代大讚係「YYDS」（網絡潮話，意指永遠的神）。阿Lam近日宣布明年3年底，將首度於亞博開騷。

阿Lam宣布明年3月26日將於亞洲博覽館舉行《林子祥 THE Smiling 開心演唱會》，阿Lam表示好耐冇同香港歌迷見面，但見近日香港疫情清零，相信開騷對歌迷唔會帶嚟不便及影響。而選擇亞洲博覽館開騷嘅原因，阿Lam表示，一嚟係其他場三月冇位，二嚟係大家應該好耐冇搭飛機去旅行，指當今次開騷係約會去旅行。

另外，阿Lam除因內地真人騷大增90後粉絲外，更深得節目組工作人員喜歡，外出亦經常被認出引起圍觀，同時內地藝人薛之謙、台灣藝人蕭敬騰都表示好鐘意阿Lam，話好想再同阿Lam合作。

有實力嘅人，去到邊都發光發亮，更何況係充滿機會嘅內地市場？期待阿Lam明年開騷！

原圖：林子祥微博圖片