黑暴影片《時代革命》日前在台灣攞咗金馬獎最佳紀錄片,黃奀星阮民安第一時間跳出嚟抽水,懶激動咁喺社交平台連發兩帖,話自己「好X激動!」、「願榮光歸手足!」又指呢部劣作已獲明年奧斯卡「最佳紀錄片」嘅候選資格,懶煽情咁講「下一站,奧斯卡!!!」真係聽見都骨痺。無他嘅,咪就係想引起班黃友「共鳴」,一起圍爐取暖,再順便幫手Joke sell吓「暴動曲奇」囉。
有良知嘅網民就紛紛串爆呢部獲獎劣作,有人話,呢齣所謂紀錄片,只係透過充滿偏見嘅鏡頭,向觀眾傳達香港所謂嘅「警暴」,反問「若台灣嘅大學被暴力分子佔領、不斷出現街頭亂局,蔡當局難道會表彰暴徒嗎?」亦有人話,「美其名是一套紀錄片,其實是純粹宣傳暴力的政治樣板戲。」有網民更質問頒獎方,「金馬獎要繼續走政治路線?」
各位讀者,你哋又點睇呢?
原圖:星島日報、Revolution of Our Times 時代革命Facebook圖片
https://www.facebook.com/RevolutionofOurTimes/photos/143113834724952
https://std.stheadline.com/realtime/article/1072795
投票已截止,多謝支持