美國前總統特朗普(侵侵)在任期間搞到世界大亂，佢冇得連任，相信唔只美國人，大部分地球人都要燒炮仗。不過，侵侵走咗唔代表地球會和平，之後繼任嘅總統拜登都好唔過佢幾多，上任以來民望不斷跌，較早前一個調查顯示，拜登支持率已跌至38%，其副總統賀錦麗更只有28%，可謂低處未算低，餘下3年任期，相信拜登仍可再創「低峰」。

日前有美媒報道指拜登有意連任，侵侵又晨早表示要參選2024年美國總統，到時已屆82高齡的拜登，再戰78歲侵侵，來一場老人對決，認真好睇！要兩個過晒退休年齡的阿伯出來爭餐死，難道美國已沒有年輕人才？

2024侵侵再戰拜登，你想邊個贏？

原圖：Donald J. Trump Facebook 圖片、Joe Biden  Facebook 圖片