黃獨友流亡異國嘅生活究竟有幾精彩？一齊聽吓著草政棍梁頌恆嘅分享啦！

梁頌恆日前喺一個網台節目中提到，舊年流亡美國之初四處搵屋住，但因為佢係流亡身份，喺當地唔可以工作，亦無法提交收入證明，所以喺「無信用」嘅情況下，租屋甚艱難，最後搵到人肯同佢做擔保，先唔至於露宿街頭。

美國社會流行信用評分制度，梁頌恆要累積自己嘅信用分數，就需要用信用咭消費，奈何佢未租到屋，無法向銀行提供住址證明，故申請唔到信用咭，冇信用分數，業主一般都唔肯出租物業。佢形容，呢個係「雞先定蛋先嘅問題」喎。

梁頌恆仲講到，好多手Joke初到美國都會遇到咁嘅問題，於是就教路，「以當地智慧去解決問題」。即係先由一個有信用分數嘅人租屋先，然後再將間屋分租畀其他手Joke，咁其他手Joke就可以避開信用審查了。哇，真係唔讚你「有腦」都唔得！

但係咪真係咁順當先？梁頌恆仲透露，其實佢依家住緊嘅地方有一隻貓同5個人，但佢好少買傢俬，因為要方便隨時搬走喎。

各位讀者，你哋點睇梁頌恆嘅精彩著草人生呢？歡迎留言一齊討論。

原圖：星島日報

https://std.stheadline.com/realtime/article/1634116