政府為更有效防疫，在去年11月推出應用程式「安心出行」，但黃友不但懶理政府用心，更瘋狂抹黑安心出行，甚至有黃友使用假「安心出行」欺騙政府，行為實在可恥！

早日通關，係現時香港大部分居民嘅渴望，而有傳政府宣布由11月1日起，進入政府處所須用安心出行，就係為咗通關鋪路，正常嘅市民對此當然覺得好OK，因為大家都有乖乖咁安裝及使用安心出行，但黃友呢？有黃友想繼續享用堂食等服務，但又抗拒香港政府，所以就用所謂假嘅安心出行，警方於本月1日，以涉嫌使用虛假文書拘捕5人，最可怕嘅係，5個入面竟然有3個係公務員，仲有兩個係入境處外判員工，筆者只可以話，你真係自己攞嚟衰。

話說，早前黃友「發起」移民潮，批評香港已經冇自由，所以選擇移民離開香港，表面上好似好多人一窩蜂離開香港咁，但實際上離開嘅人唔多，同時我哋覺得唔可惜。但有一批黃友唔鍾意中央、香港政府，但又冇能力移民，所以最終只可以選擇留喺香港，而且仲好天真咁想繼續反政府？筆者想同呢班黃友講，你留低喺香港，唔該你面對現實！現實係咩？就係香港是中國的，留在香港就咪再做反中亂港者，安安份份做個中國香港人，否則後果自負！

原圖：星島日報

https://image.stheadline.com/f/1500p0/0x0/100/none/fe83ae1b84f32fca4dd53582338760c7/stheadline/news_res/2021/10/31/746555/i_src_401313708.jpg