不該自大、不該自卑、更不該台獨，此乃筆者對蔡英文嘅睇法。

如果要數台灣領導人蔡英文做過啲咩令人震驚、啞然嘅事？咁真係寫10篇都寫唔晒。所以筆者以「三不該」嚟同大家探討吓小英所存在的爭議。

一）不該自大。新冠肺炎爆發後，台灣一開始防疫於表面上做得不錯，一度被視為防疫典範，不過呢個防疫典範好快出事，台灣於今年5月一度疫情反彈，原因就係蔡英文政府太自大，其缺口包括不重視篩檢及嚴重缺乏疫苗。其後蔡英文政府更將政治凌駕人民福祚，唱慢板地話唔揀內地製造嘅疫苗，蔡英文處理疫情、疫苗嘅手法，曾被指猶如「不會說髒話的特朗普」，係自大嘅程度上，又幾似嘅。

二）不該自卑。其實小英對住任何人都表現得好自滿自信，但一當對住霸權，就即時變得好自卑。小英喺台灣爆疫、有台灣人因疫情離世時，竟高調悼念拜登愛犬，如此卑微嘅行為，梗係畀人鬧爆啦！總之喺小英眼中，咩都霸權大晒，連台灣民眾都無情講。

三）不該台獨。小英自上任以來，多次發表鼓吹台獨言論，佢喺今年雙十「中華民國一百一十年國慶大會」上，亦將「台獨之心」表現得好明顯，小英喺大會上指，在兩岸關係方面，佢重申維持現狀，更指「堅持中華民國與中華人民共和國互不隸屬」，同時，有媒體指出，小英喺今年雙十大會中，一共用咗9次「中華民國」、51次台灣，有指此為近四年之冠，由此看來，小英愈來愈不掩蓋其台獨之心。

大家仲覺得小英有邊啲不該呢？

原圖：蔡英文Facebook圖片

https://www.facebook.com/tsaiingwen/photos/10157233097006065