國安大案有新發展，爆出大量同壹傳媒老闆黎智英有關嘅案情！「12瞞逃」之一嘅李宇軒，以及律師助理陳梓華，被控串謀黎智英、黎智英嘅助理Mark Herman Simon等人勾結外國勢力危害國家安全。案件今日在高院再訊，李宇軒、陳梓華認罪。其中李宇軒承認案情時表示：「I agree to the facts and I would like to say sorry」（我承認案情，並感到抱歉），並配以90度鞠躬。案件押後至明年1月3日再訊。

控方講起案情時，提到組織「重光團隊」（Stand with Hong Kong）喺2019年成立，並指其目標係要求外國干預及實施制裁、封鎖或其他敵對活動，並指出黎智英、Mark Simon係幕後策劃者同埋資金支持者，屬於「最高級別指揮者」。當中Mark Simon直接同黎智英匯報，並負責執行黎的指示。批錢方面，黎智英負責批出大額款項，較細金額嘅就由Mark Simon批。

星島：李向美交制裁名單 黎智英過目

「重光團隊」會喺社交平台上面宣傳、發文、同外國政治人物等建立聯繫，並喺世界各地包括英、美、加、法等舉辦政治活動。

另外，《星島日報》獨家消息指，李宇軒交予美參議院144人制裁名單，當中包括特首林鄭月娥、現任政務司長李家超、現任保安局局長鄧炳強、前中聯辦主任王志民、現國務院港澳事務辦公室副主任張曉明、前特首梁振英等。報道指，有關名單「事前交予黎智英過目」，之後就交咗畀牧師朱耀明個仔朱牧民，然後交畀美國參議員。簡而言之，又係涉及黎智英。

原圖：星島日報

https://std.stheadline.com/realtime/article/1674678/

https://std.stheadline.com/daily/article/2350507/