俄羅斯硬氣反擊英國!據報道,在俄羅斯時間14日,俄國外交部發言人扎哈羅娃(Maria Zakharova)於社交媒體上,同大家解釋𪐙解俄方決定唔延長BBC駐莫斯科記者薩拉嘅簽證。扎哈羅娃話到明,俄方此舉係對英國歧視俄羅斯媒體嘅對等報復性措施,同乜鬼侵犯言論自由無關!
究竟件事係點嘅?點解俄羅斯咁火大?扎哈羅娃就話,事綠2019年夏天,有1位俄羅斯新聞機構嘅記者同佢嘅屋企人不得不離開英國,因為簽證無法延長,英方乜嘢解釋都唔畀。之後俄方派其他記者代替,英方同樣唔肯放行。英國點解咁做大家唔多清楚,但扎哈羅娃就鬧爆,英方咁樣做係對俄國媒體嘅歧視性做法。
對於英方批評俄方做法無理,話俄國新聞自由惡化等等慣性批評,扎哈羅娃一於好少理,炮轟英國本末倒置亂噏。
俄方嘅反擊,可謂令向來也文也武嘅英國踢到鐵板,雙腳好痛,塊面好㷫。俄國硬氣嘅做法,值唔值得我國參考?大家點睇?
原圖:President of Russia Twitter、PNGEGG
https://twitter.com/KremlinRussia_E/status/1423295947732181000/photo/1
https://www.pngegg.com/en/png-szmfl