油尖旺前區議員陳梓維日前（13日）喺社交平台發起眾籌，話希望喺24小時籌到20萬，如無收到就停止跟進地區事務（請按此重溫）。隔咗一段時間，維維再喺社交平台貼出一張公仔、糖嘅相，話「難敵過天意」，辦事處只可以營運到8月31日，到時專頁、街坊群都會停運，維維亦唔再接新case，暗示眾籌唔達標囉！有網友就喺帖下面留言，串維維「你都無乜做過地區工作，摺咗～唔會可惜囉！」

維維亦喺帖裡講，18日開始會開放送嘢畀大家，應該就係圖中嘅糖同公仔，點解議辦咁充滿童趣？維維平日點辦工呢？維維同時表示急轉手影印機、電話線、傳真線等物資，可能因為籌唔到錢，好想快啲套現？畢竟佢戶口得番千零蚊！

話時話，維維前同事、前區議員李傲然日前喺自己嘅社交平台發文，話「自問有手有腳智力正常，會繼續搵工同做好好做好財務管理，暫時唔洗籌錢住」，唔知點解會咁講呢？

原圖：星島日報

https://std.stheadline.com/realtime/article/1667996

https://hd.stheadline.com/news/realtime/hk/2166820