去年2月29日,有示威者到太子站掉念8.31事件,當中一名前輔警喺旺角示威時,向人群中掟水樽,案件經審訊後,被告被裁定一項在公眾地方作出擾亂秩序的行為罪成。鄭念慈裁判官今於九龍城法院判被告囚7周。
法庭早前為被告索取嘅報告建議判處中期嘅社會服務令,但鄭官指出,當感化官問被告有冇掟水樽時,被告話冇,對此,鄭官批評睇唔到被告有悔意。鄭官今判刑時表示,案發時多人聚集,被告掟水樽嘅行為或會引起他人模仿,造成漣漪效應,導致事件一發不可收拾,認為須判處具阻嚇性嘅短期監禁,最終判被告入獄。
被告為25歲陸冰溢,現無業,前職為輔警,被控在公眾地方作出擾亂秩序的行為,指稱他於去年2月29日向人群拋膠水樽,意圖激使他人破壞社會安寧。
鬧得好,被告嘅行為隨時令其他示威者情緒更激烈,支持判處監禁!
原圖:星島日報
投票已截止,多謝支持