小說映入現實?!今屆東京奧運除咗比賽激烈、國家隊係咁奪金係睇頭之外,仲有一個「大睇頭」,就係國家隊泳隊嘅顏值。近日,中國泳隊選手憑實力顏值並存而爆紅,講緊嘅係中國游泳健將汪順及00後泳隊選手張翼祥。
1997年出生嘅汪順,身高192CM,於今屆奧運男子200米個人混合泳決賽中,以1分55秒00嘅成績奪金,汪順除打破亞洲紀錄成績耀眼吸睛外,同時因顏值高而引起大家關注,網民紛紛大讚汪順身材好,又陽光帥氣。
另外身高191CM、今年19歲嘅張翼祥同樣因為顏值而爆紅,張翼祥所屬浙江游泳隊,雖然張翼祥未有參加本屆東京奧運,但張翼祥憑帥氣外表加上倒三角完美身形而引起網民熱討。張翼祥於2017年全國游泳錦標賽,男子400米混合泳中,以4分26秒99獲得第三。
國家級能力,加上小說級顏值,難怪會爆紅,期待汪順及張翼祥日後有更亮眼嘅表現。
原圖:張翼祥微博圖片、汪順微博圖片、央視圖片、網絡圖片
投票已截止,多謝支持