外國無理打壓中國，中國反擊理所當然！全國人大常委會會議日前通過《反外國制裁法》，反制措施包括查封、扣押、凍結外國組織同個人喺中國嘅各類財產，同時可以不予簽發簽證、不准入境、註銷簽證或者驅逐出境等，並可擴大至被反制人士嘅配偶、直系親屬。

干預香港　等同干預中國

網民對於中央通過《反外國制裁法》有咩反應？梗係熱烈支持喇，但問題係，香港應唔應該跟隨呢？筆者嘅答案，就係「一定要跟。」外國周不時出茅招打壓祖國，而且最鐘意搬香港出嚟指指點點，話咩港區國安法破壞香港民主程序云云，甚至有香港官員因而被制裁，所以如果有香港企業，或者喺香港設立企業嘅外資，一旦跟隨、協助外國制裁指令，即屬違法，香港政府應該要透過《反外國制裁法》反擊。

俗語都有話，「以其人之道還治其人之身」，身為中國人，梗係撐祖國反擊，但同時，希望香港政府盡快跟隨中國。