警務處處長鄧炳強近來「老是常出現」喺各式各樣嘅警方片段中,但原來一哥出鏡係有原因嘅,一哥近日現身警隊最新推出嘅「P-TV」平台做宣傳,透露親身參與拍片,其實係想發放正能量畀同袍。
「P-TV」平台為警方內部資訊分享居多,第一集就推出「我是警察」嘅短片創作活動,而一哥今次嘅拍攝,就係為咗「P-TV」平台做宣傳,一哥仲喺片中表示「我最鍾意嘅就係做警察」。
一哥喺影片中話,「好多人以為我成日扮鬼扮馬係因為我鐘意拍戲,但係其實我做咁多嘢,係因為時代唔同咗,大家都用咗新嘅方法去接受信息,睇片點都好過睇字呀」!
一哥又指,每日都好希望可以支援到前線嘅同事,同大家一齊守護香港。同時提到2019年嘅反修例風波,一哥指黑暴事件係警隊轉捩點,警方由反修例風波時已經開始製作短片同外界溝通,發放新訊息,一哥展望「P-TV」內部資訊分享平台,可以正能量同時,更鼓勵到身邊嘅人。
支持一哥,支持警隊!
原圖:「P-TV」平台影片截圖
投票已截止,多謝支持