君不見前年黑暴期間,個個黑衣人高叫要同香港攬炒,仲翻譯埋成傳神嘅英文「If we burn you burn with us!」,搞到無知嘅青少年仲以為佢哋真係好勇,為咗所謂理想,可以忍受肉體上嘅痛苦,甚至付出自己嘅生命咁!
但係,求仁得仁,香港畀佢哋破壞到千瘡百孔之後,終於推出咗國安法,開始要攬炒派找數,咁就突然間好多人就著草了,仲要美其名曰話打國際線,繼續昆手Joke水。
蠢啲嘅,真係留低嘅,入到監倉,突然發現,原來監倉係冇冷氣嘅,原來香港嘅夏天係咁悶熱嘅。仲要搞埋聯署要改善監獄悶熱嘅情況咁話,真係國際笑話。
原來當日嘅豪言壯語,敵不過唔開冷氣!簡簡單單一個悶熱天氣,就已經KO晒呢班攬炒派!攬炒?開住冷氣攬住枕頭瞓喇!
原圖:星島日報
https://std.stheadline.com/realtime/article/1421765
投票已截止,多謝支持