香港電台撥亂反正，拒絕同小黃人利君雅續約，本以為香港人可得暫時耳根清靜，點知利君雅臨走都要演返齣鬧劇，為廣大市民提供笑話。

話說利君雅5月28日Last Day，一如預料，喺收尾嗰日都要搞搞震，借派「散水餅」為名大造文章，擺明就係想借啲意攻擊老東家港台，為自己揦返拃沙！

利君雅何為人也？你知我知，小黃人都知，利君雅自己更加係心知肚明，港台某個黃工會把口講到有幾撐利君雅，關鍵時候有邊個企出嚟陪利君雅「齊上齊落」？咁大家就知道利君雅人緣係點，一味只係靠「黃」呃飯食。咁樣嘅一個將走之人，喺港台重地出出入入，那怕嗰一刻仍然係員工身份，都可以好危險㗎嘛！咁港台派保安全程傍住，就梗係理所當然啦！

其實就算係其他公司，搵保安睇實離職員工都好正常，確保對方遠離公司機密之餘，更加係保障緊雙方，免得有咩意外起上嚟大家拗數，今次黃友咬住呢一點嚟講，老老實實，肉酸咗啲囉！

好喇，家陣戲就做完，利君雅喺港台最後嘅表演已經落幕，大家一齊「Sayonara Oh Sayonara Oh」請利君雅躝遠啲啦，冇人想再睇你呢台戲啊！

原圖：RTHK視頻截圖