香港電台再生事端，雖然廣播處長李百全上台後推行新機制，要求具爭議性嘅節目喺播出前必須經過編輯委員會審批，但港台入面似乎有人唔想同你講規矩，節目《議事論事》製作團隊竟然喺未經同意之下，擅自加播「六四長跑」內容，好明顯就係當李百全冇到，奉行黃絲一貫作風，視規矩如無物！

李百全喺立法會上解話時，只係表示會按政府機制調查相關違規港台員工云云，「有需要嘅話」就會有進一步行動喎！新機制只係推行咗幾個月，已經有人明目張膽大大力咁一腳踩落條紅綫，如果今次輕輕放下，李百全以後仲點樣管治港台？

其實從來都冇人話唔畀講六四或者其他政治內容，但推得審核機制自然係有原因，訂得規矩就係要守，如果個個都唔守規矩，次次都唔理審批，鍾意播乜就播乜，仲成世界嘅？事關重大，唔該李百全唔好再耍官腔講咩按機制懲處喇，香港人不吃這一套！就一句到尾，炒定唔炒？！

原圖：頭條日報，港台《議事論事》截圖

https://hd.stheadline.com/news/realtime/hk/2047209

https://www.youtube.com/watch?v=OT1o0L_CsNM&t=13s