香港2019年慘遭黑暴蹂躪，社會經濟民生一片狼藉，幸有香港警察夙夜匪懈守護我城，終日與黑暴勢力周旋喺大街小巷，香港先至可以力保不失，香港人先至有覺好瞓。此之所以執法者會成為黃黑份子嘅頭號眼中釘，喺黃媒推波助瀾之下，一小撮別有用心嘅人無日無之唱衰警隊，雖然抹黑內容誇張荒誕兼千奇百趣，奈何偏偏有部份不明就裡嘅市民信以為真，令素有「亞洲第一」美譽嘅香港警隊形象急轉直下。

警察禮品廊就因為受反修例暴亂影響，營業額下滑而一度結業，但係喺早前（13日）已隆重重新開幕。雖則話新任店長本身就對警隊充滿熱誠，更毫不掩飾自己嘅撐警之情，但蝕本生意又點會有人肯做？自然係睇中咗警隊形象恢復後帶嚟嘅商機！由平亂到抗疫，警隊付出有目共睹，今時今日仲有邊個正常嘅香港人，會唔理解執法者辛酸？香港警察絕對算得上係守得雲開見月明！

守得雲開見月明

由反修例暴亂起計快將兩年後嘅今日，有賴執法者努力，街頭黑暴已經全面平息，亂港份子或入獄或落鑊或潛逃，警察嘅正義已備受廣大香港人肯定，正正應咗反修例紀錄片《暗夜星辰》中嘅一句：「Don't Worry. Time Will Tell（別擔心，時間會證明一切）」。

支持香港警察，就係支持正義！

原圖：星島日報

https://std.stheadline.com/realtime/article/1416871/