又一個獨友著草了！前中大學生會會長、當年爆粗辱罵內地學生為「支那人」的周竪峰，一直在低莊界別相當有名。佢最新力作係宣佈自己已經著草加拿大1個月，原因是見國安法起訴黃營初選涉事者，有份搞公民議政平台嘅佢被嚇窒，怕很快輪到自己喎。

周竪峰在社交媒體自爆，3月15日結緍，3月25日離港，自言「倉卒出逃」。佢又話兩個月前收到邀請，有「中國背景」者透過中間人約佢見面，話明係講香港公民議政平台的事，但佢就冇同人見面，而且選擇著草，並自認係懦夫，又向手Joke（風涼地）「道歉」，叫人原諒佢嘅懦弱喎。

又話核爆都唔割席？

周竪峰接受《獨立媒體》專訪，該媒專登擺喺今日刊登。專訪中，周竪峰提到自己搞公民議政平台半年夭折，又提到自己有份參與2019年黑暴7.1拆立會事件，試過著草日本風頭兩星期。報道提到，「周竪峰不止一次說，如果平台搞得成，他就會『留下來共存亡』」，現在平台搞唔成，周竪峰就著草了，真係諷刺。

又話核爆都唔割席？原來割席都有系統性解釋㗎！專訪的後記提到，周竪峰最唔捨得班兄弟，「那些哭着求他離開的、在獄中打手勢叫他走的、在街頭出生入死的」，似乎想告訴讀者係有人叫周竪峰走㗎咋，佢都唔想㗎。洗白洗到咁，真係好嘢，不禁令聞者傷心聽者流淚囉！都係嗰句，獨友、仇中友要走，冇人會留！

原圖：星島日報

https://std.stheadline.com/realtime/article/1555912/