大英帝國‧我想住嘅地方,講緊嘅係羅冠聰想住嘅地方!曾講過可能永別香港嘅前香港眾志主席羅冠聰,早前流亡英國,事後更指自己申請緊英國庇護,而羅冠聰昨晚於Facebook巧叻叻自爆,已獲英國批出庇護申請。哈哈,手足們係咪好羨慕呢?
羅冠聰於Facebook咁表示,「經歷約四個月的申請,多輪與難民審批機關的會面、會談,我早前已接獲英國內政部的通知,庇護申請經已獲批。」又話自己嘅個案,有證據顯示係因為政治迫害而被迫離開家園,而且將來都返唔到嚟云云。
羅冠聰仲好得戚咁講風涼話,話自己同班手足係唔一樣、審批狀況係其他手足冇得比,因為手足們個案唔一定獲媒體關注從而有新聞佐證,但因為佢有,所以佢就申請到啦!
羅冠聰做難民都咁開心,都係嗰句,好行唔送,永別了!
原圖:羅冠聰Facebook圖片
https://www.facebook.com/NathanLawKC/photos/a.627050307446306/2231472710337383
投票已截止,多謝支持