香港警隊自去年「飛起」港台結束《警訊》後，一直透過最新直播節目《警聲》宣揚防罪滅罪資訊，日前（4日）第十九集更請來人稱「靚靚」的藝人袁詠儀，與市民一同探討青少年毒品問題，大受網民歡迎。

網民大讚佩服勇氣

可以喺《警聲》直播中同靚靚互動，網民梗係開心，但有人就擔心靚靚於警方節目亮相，隨時會再掀起一波黃友攻訐潮！皆因靚靚老公張智霖(Chilam)去年出席「警星飯局」時，就因與前警司朱經緯合照而辣㷫黃友，就連兩公婆囝囝亦遭網絡欺凌（請按此重溫），當時更逼到護子心切嘅靚靚開腔反擊。

所以今次就有網民話，真心佩服靚靚嘅勇敢，因為好多明星都未必敢企出嚟為正義發聲，「佢仲可以stand still咁出嚟講嘢同警局做live，唔驚畀人鬧畀人杯葛，真心好佩服佢，相由心生，我信係真」。

正氣敢言嘅藝人，當然值得香港人支持，大家一齊畀Like為靚靚打氣啦！

原圖：香港警察YouTube片段截圖、頭條日報

https://hd.stheadline.com/life/ent/daily/843135/