警方於前年10月1日凌晨，喺灣仔軒尼詩道一個單位搜查出白電油、布條等汽油彈原材料，以及防毒面具等物品，單位租用人及屋內5人被捕（請按此重溫），6人被控串謀暴動及非法集結罪，各人均不認罪，案件昨在區域法院裁決，法官沈小民指控方案情實在存有太多可能性，難以推論出各人有串謀協議，故裁定各被告罪名不成立。

控方指，警方當日突擊搜查涉案單位時，被告身上有前線示威者常用物品，包括防毒面具、黑衫等，亦有點火器及購買白電油嘅收據，同時，警方喺單位內亦搜出對講機、十數個空樽及打火機、5瓶白電油、100條布條、7個載有伸縮棍、呼吸器等，推斷各被告至少曾參與非法集結。

穿黑衣未必係暴力示威者

沈官裁決時先指，串謀須多於2人協議犯法，但不論係暴動抑或非法集結罪，其共同犯罪元素必須係「至少三人集結在一起」，故即使兩人協議到示威現場，亦唔構成串謀暴動或非法集結。沈官又指穿黑衣嘅人，唔一定係暴力示威者。沈官更反駁指，物品到底係咪汽油彈原材料，都有商榷餘地。

案中被告包括23歲電競選手張浩輝、21歲學生胡凱富、21歲文員陳子斌、25歲文員蘇美莉、17歲學生李盈莉及24歲無業的沈卓勤，同被控於 2019年9月28日至10月1日，串謀其他人參與暴動。

有冇搞錯？警方拉人、搜證，做咁多嘢都係為咗守護香港，拘捕犯法者，但一句「存有太多可能性」，6位被告全罪脫。

原圖：星島日報圖片

https://hd.stheadline.com/news/realtime/hk/2002983/%E5%8D%B3%E6%99%82-%E6%B8%AF%E8%81%9E-%E7%81%A3%E4%BB%94%E6%90%97%E6%B1%BD%E6%B2%B9%E5%BD%88%E5%8E%9F%E6%96%99%E5%80%89%E6%A1%88-6%E4%BA%BA%E6%B6%89%E4%B8%B2%E8%AC%80%E6%9A%B4%E5%8B%95%E5%85%A8%E9%83%A8%E7%BD%AA%E8%84%AB