年年支聯會都唔會放過維園年宵擺花檔嘅機會，為嘅係咩，大家心知肚明！今日，全港15個年宵花市開鑼，而支聯會亦有喺維園年宵擺濕貨攤位，話就話賣花，但布置上充斥政治味道，橫額上布滿「自由」、「抗爭」、「六四」，甚至寫住「釋放民運人士」。支聯會攤位因被指不賣花，終被食環署終止使用協議，食環署一批人員今早搬嚟鐵馬圍封攤位，但支聯會死撐到底，話會照常在維園開檔。

支聯會昨晚兩度收到食環署警告，被要求於兩小時內移除與售賣物品無關嘅橫額，否則就考慮終止合約。其後，支聯會凌晨12時再接獲食環署張貼告示通知終止協議，勒令支聯會於今早7時交還攤位。

李卓人：平反六四同恭喜發財無異

早上8時15分有食環署人員到場，告知支聯會將終止攤位合約，更於攤位附近架起鐵欄，雙方因而理論一段時間，10分鐘後，食環署人員再次將攤位以鐵欄及封條圍封，表示等待上級指示。

支聯會主席李卓人即指被打壓，話好痛心，又話今年可能係支聯會最後一年在維園擺年宵，表示會照常在維園開檔，李卓人甚至話「平反六四」等口號只係銷售年花手法，同「恭喜發財」無異喎！

李卓人竟然連平反六四同恭喜發財無異都講得出？年宵花市唔賣花，理所當然被封攤！支持食環署！

原圖：港台新聞截圖