日前,中央出招反制英國「5+1」BNO移民英國計劃,其後一班黃政棍出嚟批評中國,當中包括民主黨國際事務委員會主席劉慧卿(請按此重溫)。劉慧卿今早接受電台節目電話訪問,稱「BNO持有人」係受害人,又批評中國反制措施係針對英國,指中國予人任意修改政策嘅感覺,新民黨主席葉劉淑儀即反駁劉慧卿,串爆表示,「你(劉慧卿)話中國任意改,但改得最多就係英國。」
劉慧卿質疑於1997年前人大已就《國籍法》有解釋,對港人雙重國籍情況從寬處理,指現時部分港區人大代表、全國政協委員會等人,都有外國國籍,由此指中央係刻意針對BNO持有人,又話會畀人覺得,中國係任意修改、無邏輯可言。
劉慧卿接受完電話訪問後,就到葉太接受電話訪問,葉太第一時間反駁劉慧卿,表示中國從冇批准過雙重國籍,更指如論修改入境政策,英國係做得最多。
串得好!自BNO事件後,劉慧卿係咁出嚟批評中國,而喺劉慧卿眼中,中國做咩都錯,英國做咩都啱,護主之心,真係明顯啦!
原圖:大公報、無綫新聞截圖
http://www.takungpao.com.hk/hongkong/text/2016/0928/27260.html
http://news.takungpao.com/hkol/topnews/2015-02/2914107.html
投票已截止,多謝支持