科大學生會幹事會成員，於去年8月收到校方電郵，指學生會舉辦周梓樂逝世半年悼念會、「青蛙路」補油及於學生會告示板張貼文宣等行為不當，經過數月行政程序，幹事需接受紀律處分，會長麥嘉俊及內務副會長勞啟浩更被重罰，勒令停學一個學期（請按此重溫）。
麥嘉俊及勞啟浩接受《立場新聞》訪問時表示，有上訴嘅打算，但又即刻灰爆咁話打定輸數，因為都係同一班人做決定，只好說服自己，已經改變唔到呢個事實。而下個禮拜就開始第二學期，佢哋就話唔想浪費時間，會一邊上訴，一邊搵實習或兼職，但又怕時間太倉卒，好難搵工。勞啟浩又話，其實早有被懲罰嘅心理準備，只係諗唔到罰得咁重，估計需要延遲一年先畢到業。
既然預咗畀人罰，即係知道自己有錯，凡事有因必有果，到咗呢個時候灰爆都冇用，乖乖地接受懲罰吧！
原圖：香港科技大學網頁圖片
https://hkust.edu.hk/zh-hant/visit/campus-highlights
投票已截止，多謝支持
返回
