美國前國務卿蓬佩奧被央視批評係史上最差國務卿,大家有冇同感呢?侵侵卸任拜登上台,央視於美國白宮易主前發表評論,批評蓬佩奧喺美國政權交接進入倒計時,爭分奪秒挑起衝突同製造對抗,形容佢係「史上最差國務卿」。
央視國際銳評指出,過去嘅十幾日,蓬佩奧進行一系列緊鑼密鼓嘅操作,包括從取消美國官員與台灣接觸嘅限制,到將古巴重新列為支持恐怖主義國家,再到加碼對伊朗本就已經十分嚴苛嘅制裁。
央視又批評蓬佩奧將社交媒體當係最後嘅「Show場」,批其於3天內連發60多條推文,內容都係吹噓自己過去幾年喺對華問題上嘅所謂政績,斥其惡毒攻擊中國執政黨以及中國各項政策,已經到歇斯底里到無以復加嘅地步。
評論又指「下課鈴」響,任蓬佩奧再點瘋狂表演,都只係軟弱無力嘅最後掙扎,評論更一針見血指,雖然蓬佩奧吹噓歷史會記住佢任期內所取得嘅成就,但歷史記住嘅卻會係佢為一己之私損害全世界利益嘅罪證。
評論最後以「再見!再也不見,美國史上最差國務卿。」為結尾。
蓬佩奧在任時係咁挑釁中國,臨走前都要搵位搞抹黑,「最差國務卿」,真係好行夾唔送!
原圖︰無綫新聞截圖
投票已截止,多謝支持