美國總統拜登宣誓就職後，一眾前美國政府高層即刻冇人理，不過中國就冇忘記佢哋，馬上送上一份大禮。中國外交部宣布，將制裁特朗普政府等28名前高級官員，前國務卿蓬佩奧榜上有名。

拜登上台唔夠半個鐘，中國外交部發言人就話，過去幾年美國有政棍嚴重干涉中國內政，破壞中美關係，因此中方決定制裁需負主要責任的前美國政府高層，包括前衞生及公共服務部部長阿扎、前白宮國家安全顧問奧布賴恩等，當然唔少得成日出嚟指指點點嘅蓬佩奧啦。而佢哋同埋家屬，將被禁止入境中國內地、香港同澳門，另外同佢哋有關嘅機構、企業等，以後同中國嘅生意往來，亦會受到限制。

立法會議員何君堯得知喜訊後，馬上喺Facebook恭喜蓬佩奧：「狼狽奧，終於有今日啦！」

大家又想點恭喜狼狽不堪嘅蓬佩奧呢？

原圖：無綫新聞截圖，星島日報

https://std.stheadline.com/politics/article/1457092