黃之鋒仲坐緊監,佢全家已經去晒澳洲?!在《港區國安法》發威下,黃政客掀起賣樓潮,支聯會主席李卓人(請按此重溫)、民主黨副主席林卓廷(請按此重溫)齊齊被爆賣樓,引起「走佬疑雲」。《星島日報》稱接獲獨家消息,指前眾志秘書長黃之鋒當前仲為前年6月煽圍警總埋單坐監,其父黃偉明、母吳秋媚及細佬已離開香港,去咗澳洲喇。《星島》記者以WhasApp向黃偉明查詢,但對方用「不方便」為由拒回應。
據《星島》分析,黃之鋒屋企人離開香港,係「有迹可尋」喎。點解咁講?據報道,黃之鋒父親黃偉明07年年底花415萬買入海怡半島一單位,去年底以980萬沽出,帳面勁賺逾500萬,但就低過市價大概一成。年底賣樓,年頭就傳出離港,都幾巧合喎。
大佬被捕候審,台前「演員」坐監的坐監,著草嘅著草,未走嘅都被認為想走,難怪有網民慨嘆,這是黃營的「樹倒猢猻散」了。
原圖:星島日報、頭條日報
https://std.stheadline.com/daily/article/2326803/
https://hd.stheadline.com/news/realtime/hk/1925536/
投票已截止,多謝支持