今屆區議會因被黃區議員「佔領」，令到區議會開親會都亂七八糟，更因多次針對政府及警察而搞到有官員嬲爆離場（請按此重溫）。為杜絕黃友再搞事，近來有唔少聲音，指區議員一定要納入宣誓公職人員宣誓之中。近日，建制派灣仔區議員林偉文牽頭，與10名港島區建制派區議員聯署支持現任區議員需盡快進行宣誓。

眾人聯署去信政制及內地事務局局長曾國衞及民政事務局局長徐英偉，指出現時區議員唔需要宣誓係個法律漏洞，望政府能完善宣誓安排。

林偉文：望可撥亂反正

聯署信中更指，區議員宣誓除有助現任區議員及未來出任嘅人更清楚明白自己嘅職責外，為咗維護「一國兩制」底線，區議員宣誓乃刻不容緩。

林偉文更鬧爆黃區議員，指因今屆區議會被黃區議員「佔領」，搞到區議會只有吵鬧同侮辱官員之聲，更斥黃區議員事事以政治行先，將民生事項唔知放咗去邊。林偉文表示，發起聯署嘅目的，係希望議會可以撥亂反正，讓議會重回正軌。

有份參與聯署嘅工聯會立法會議員、東區區議員郭偉强，則指今次聯署係建制派區議員嘅心聲，又指港區國安法已清楚表明，擔任公職者要宣誓擁護基本法及效忠特別行政區，表示身為區議員理應宣誓，不容做出有違國家及香港利益嘅事。

為令區議會回復正常，民生項目能順利通過，以絕泛政治化的情況，區議員宣誓事在必行，冀政府盡快落實區議員宣誓，杜絕一眾體制內的亂港者！

原圖：F23 下白田 林偉文Facebook圖片、文匯報圖片、政府新聞處YouTube視頻截圖

https://www.facebook.com/110431160886575/photos/a.111570694105955/143345077595183/

https://www.wenweipo.com/a/202101/15/AP6000dd3ce4b0553aff39af19.html

https://www.youtube.com/watch?v=L7kOSeOFX2g