澳洲政壇蓄意煽動仇華之風，我國連還出招揸正嚟做大力抵制，包括出手限制包括龍蝦等產品入口。近日澳洲本土龍蝦價格大跌，有移居黃友竟然大講風涼話：「大家食龍蝦食得超開心，有人話食到有啲厭！」仲有黃友乘機抽水：「唔好畀大陸人以為有錢就大晒！」但實情係咪咁開心？澳洲漁民可能另有一番答案。

根據2018至2019年數據，中國一向是澳洲進口龍蝦的大客，佔94%，隨著中國企硬還擊，加強對澳洲龍蝦進口檢疫，澳洲惟有轉向內銷，結果價格大插水。據報道，有澳洲超市更壓價至20澳元一斤。有媒體引述漁民指，原本每公斤澳洲龍蝦的捕撈採購價為30至40澳元，如果以30澳元出售，幾乎是打個平手冇乜得賺，以20澳元的售價更是賣一隻蝕一隻，喊都無謂！有澳洲漁民灰愁頹哀憂爆表示，還在等待中國方面的消息來決定前景喎，都咪話唔慘情。

羊毛出在羊身上，蝦膏出在蝦身上，你快快樂樂地吃平龍蝦，倒貼的卻是漁民！澳洲政府真的要好好反省，如何跟中國搞好關係，否則真是愧對自己國民喇！

原圖：大公報

http://paper.takungpao.com/html/2012-01/20/content_16_6.htm