不認不認還需認,身孭多項控罪的許智峯終於宣布流亡兼退黨,簡單嚟講,即係著草。據知,許生就此發表聲明,當中更冠冕堂皇咁話「流亡不是移民」,又話香港才是其家,終有一日會返嚟咁話。各位身在獄中嘅「手足」,可能要慢慢踎住等呢一日囉。
聲明中,除了交代佢流亡兼退黨外,先是賣煽情,話離開香港後,聞戰友被捕、判監,有市民、好友叫佢「求你千萬別回來」,令佢「強忍不了淚水」。其後少不了唱衰香港,話國安法生效後,香港被「暴政統治」,但佢都有「百般掙扎」云云。
至於現時,佢就喺「外地自由的空氣中」,要奪回言論主導權,更稱要與羅冠聰等人,拉闊國際戰線咁話。之後,許智峯講到呢次著草,係百般不捨,話「流亡不是移民」,又稱自己永不移民,因為家是香港。佢又講到自己冇「尋求任何國家庇護落腳」,並指未決定在哪國停留,但要先安頓家人。佢又指已下定決心,「我必定會回家」,又話要在「光復後的香港」,與大家在煲底流淚相擁。
言詞慷慨,講得動聽,不過講穿咗咪就係揮一揮衣袖,丟低一班「手足」,齊上齊落?咪再講笑話啦!
原圖︰大公報
http://news.takungpao.com.hk/hkol/topnews/2018-04/3564873.html