美國總統大選點票又有新進展，據報喬治亞州完成人手重新點票，確認係拜登勝出，睇來抗疫無方只識一味賴中國嘅現任總統特朗普都係冇得救，要準備執包袱走人了！
但特朗普冇得救是否意味美國就有得救呢？咁又未必。首先拜登在喬治亞州僅以不足0.5%選票嘅些微優勢勝出，侵侵有權要求再次點票。而另一方面，密歇根州韋恩縣嘅點票亦變成一場鬧劇，共和黨兩名檢票委員首先係唔承認拜登勝出，後來被人遊說到接受確認咗拜登勝選，再然後據報當晚二人收到侵侵電話，第二日又話要收返確認。如是者，侵侵自以為得計，但密歇根州政府就話確認咗嘅嘢冇制度收返，但下一步要由州檢票委員會開會認證結果，而州檢票委員會裡面亦係有共和黨代表嘅……
如此這般，令人好好見識美式民主的「偉大」，我們這些香港人還是繼續隔岸觀火、嚐豆待戲(食住花生等睇戲)吧！
原圖：無綫新聞截圖
投票已截止，多謝支持
返回
