慈雲山嗇色園主辦可立小學二年級「常識科教師」拍片教鴉片戰爭起因，將清朝禁煙遭英國侵略，美化成「英國發現中國當時很多人吸煙，吸食煙草」，涉事劣師日前被教局取消教師註冊（請按此重溫），近日，陳姓涉事劣師接受媒體訪問，承認自己歷史知識薄弱「搞錯咗」，仲話自己係用幽默方式教書喎！都認歷史知識薄弱，咁就真係抵佢＿啦！

認歷史知識薄弱搞錯咗

涉事劣師接受訪問時，承認歷史知識薄弱所以搞錯教學內容，但強調話鴉片戰爭內容淨係佔課堂內容一小部份，所以只係憑記憶講課，未有再搵資料。而對於另一段教學影片提及古人為了「防止動物絕種」於是造紙代替龜板一事，佢就話自己一向以幽默、生動方式講書喎。雖則認自己搞錯，但佢又話自己唔係亂噏，係有根有據，仲強調有備課添，咁「勤力備課」嘅話，鴉片戰爭內容又要亂噏！？

涉事劣師話完全唔同意教育局指佢冇擔任教師嘅能力，話自己只係唔覺意教錯咗一段歷史，一段「小小嘅歷史」喎，言詞間擺明覺得自己只係做錯好小事唔應該被DQ！

一句唔覺意就大晒？教師嘅任務就係將正確知識傳達畀學生，明知做錯又要唔服氣，只可以話，教局DQ得好，呢啲人根本唔配做老師。

原圖：港台新聞截圖