自《港區國安法》實施後,香港多個獨黨及仇中黨陸續解散,而回歸至今每年都會喺維園舉行燭光晚會嘅支聯會嘅去向亦受到關注。北京航空航天大學法學院副教授、全國港澳研究會理事田飛龍今日於《香港商報》撰文,批評支聯會係顏色革命及政治顛覆組織,更指支聯會涉「雙違法」。
田飛龍在文中狠批支聯會係西方顏色革命和民主全球化議程的一部分,指其長期獲海外民運組織和外部反華勢力資助,又指由支聯會五大綱領「釋放民運人士,平反八九民運,追究屠城責任,結束一黨專政,建設民主中國」中,已顯示支聯會係政治顛覆性組織,斥其用「愛國」做名義,實際上係以香港為基地勾結外部勢力嘅顏色革命組織。
另外,田飛龍又批支聯會無謹守「法律邊界」,一再突破法律,將「顛覆性綱領」和意圖轉變為具體抗爭行動,指其或「雙重違法」,即係既涉違反本地多部法律,同時亦涉違反《港區國安法》,但田飛龍指出,國安法對先前行為無追溯力。故田飛龍表示,處理支聯會,應先檢討有沒有違反本地法律,指若本地法律懲治唔到,才去動用國安法。
組織倘涉違法,應如何處理?最終會落得取締下場?讓我們拭目以待!
原圖:星島日報
投票已截止,多謝支持