立法會內拉布歪風熾熱,黃政客無視己身職責,一心只為拖垮立會,相當惡質。據報道,議事規則委員會今日會召開閉門會議,會議將討論由民建聯張國鈞提出嘅多項杜絕拉布建議。
報道指出,建制派據報會提出修改《內務守則》三大範疇。第一招是完善委員會選正副主席程序,包括若半個鐘都選唔到主席就休會,由內會主席為委員會提名另一個人主持,同埋訂清訂楚下次開會嘅時間地點等細節。如果好似上次畀郭榮鏗之流拖延選內會主席,立會大主席則可提名另一人做主持,確保黃政客冇得霸住主持位搞搞震。
另一方面,我們常常看到選主席時黃政客會惡意提名,務求令選舉時間拖長。有見及此,據報建制派會提出建議,提名要喺會議前交到秘書處,唔畀即時提名;更絕嘅係,提名人、和議人、被提名人都要簽名作實,唔准身份重疊。選舉程序冇發言環節,主持人可趕搞事議員離場。
第二招是縮短有關附屬法例報告議案的辯論發言時間,由15分鐘縮減至5分鐘,以確保黃政客冇得借大會拉布。
由於黃政客不時借呈請書打尖伺機拉布,故建制派的第三招就是建議須交付專責委員會的議案,除非獲內會事先通過,否則唔畀打尖,而需排在議員動議議案後。簡而言之,此舉令他們即時拉布的手段一減再減。
三招修改若然成事,拉布怪想再拖垮議會,難矣!除非他們用「成本更高」嘅手段搞事啦!報道指出,有關條改期望在今年內落實,更加唔會排除將來會修改議規,換言之就是呢幾招唔係最後,剪布招數陸續有來!係就正呀!一於去到盡,徹底杜絕黃政客拉布!
原圖:星島日報
https://std.stheadline.com/realtime/article/1248907/即時-港聞-專欄-中央要下重手封蟻穴
https://std.stheadline.com/politics/article/1261991/政治-時局解碼-大棋盤-港澳辦轟郭榮鏗有後着
投票已截止,多謝支持