諗起細個讀書交功課時，老師如果見到有錯，通常都會逐一圈低，然後畀返學生改正；不過如果錯得實在太多太離譜時，老師多數就直接一個大交叉，彈返轉頭叫你重新做過。而香港培正中學，正正就係嗰一本改嚟都嘥氣，需要重頭再嚟過嘅作業！

HKG報近最近揭發香港培正中學「獨」影幢幢，兩位通識科教師，你冇聽錯，又係通識科，王明輝同吳雯靜畀家長投訴，話佢哋黃到出汁都算，竟然仲利用課堂同Facebook，向學生散播煽動憎恨國家、仇視香港警察等不當訊息。通過長期「洗腦」，學生聽得多信以為真，呢種不良訊息再喺學生之間相互傳播，久而久之，成間培正中學自自然然就會變成黃獨思想嘅溫床。

但係培正中學入面有問題嘅，又點只得呢兩位教通識嘅老師，之前就有傳媒揭發培正中學副校長鍾偉東同主任梁振忠參與聯署反對《港區國安法》。培正中學喺東窗事發之後，仲出聲明話唔容許學生受政治爭拗影響云云，不過就死攬呢兩個人，話佢哋知錯所以唔會有任何懲處。到底呢兩條友係咪真心知錯，你知我知佢哋自己知啦！

一、二、三、四，小小一間培正中學，咁就有四個問題教師，其中仲要有一個副校長同一個主任，你以為得咁多？不如睇埋校長何力高又點！

上年培正中學成班學生喺學校門口派黑暴文宣，之後又奏唱獨歌《願榮光歸香港》，咁大件事，相信校長何力高無可能唔知；HKG報近日揭發兩個通識問題老師，連日搵何力高回應，雖然一直搵唔到人，但相信何力高亦一定知道呢件事，但佢始終都冇企出嚟正面回應過任何質疑。最近有傳培正中學上下師生校友齊齊「捉鬼」，想「刮」嗰班挺身投訴黃師失德嘅家長出嚟，咁大單黃色恐怖事件，何校長又有冇出嚟講過一句說話？

有個故仔係咁嘅，當你見到胖虎恰緊大雄，如果你冇出手幫大雄，其實你已經選擇咗幫胖虎。而培正中學校長何力高無疑就擔當緊「沉默嘅幫兇」，就算佢唔係有心縱容，亦都係選擇咗對黃色恐怖視而不見。

加埋校長何力高，培正中學最少五個教職員有問題，而呢啲都只不過係大家明面上睇得到嘅，暗地裡睇唔到嘅，唔通會少咩？培正中學好明顯已經「獨」根深種，真係醫返都嘥藥費，與其逐個問題教師慢慢查，不如直接「殺校」一了百了！

原圖：香港培正中學校刊截圖、網絡影片截圖