中西區區議會主席、民主黨鄭麗琼轉載警員被起底資料,違反法庭臨時禁制令,佢昨日雖然認罪,但就僅判緩刑。獲放生嘅鄭麗琼非常風騷,喺庭外扮晒嘢咁話案件比起其他「手足」微不足道(請按此重溫)。有網民睇唔過眼鄭麗琼咁囂張,重提鄭麗琼涉嫌霸佔公屋嘅事,要求房屋署嚴肅跟進!
鄭麗琼3月喺葵涌麗瑤邨住所因上述案件被捕,當時已有質疑鄭麗琼貴為區議員兼中西區區議會主席,推算月入超過6萬港元,點解仲有資格佔用寶貴嘅公共房屋資源?HKG報曾為此聯絡鄭麗琼,但一直未獲對方回覆(請按此重溫)。
網民質疑,鄭麗琼任區議員26年,入息可能早已超出公屋上限,如果繼續霸佔實在不公,因此要求房署立即徹查鄭麗琼歷年所申報文件,徹查是否涉及虛假文書等罪行,若涉違法,必須追究到底,兼收回公屋單位!
原圖:香港商報、無綫新聞截圖
https://www.hkcd.com/content/2020-03/26/content_1185255.html
投票已截止,多謝支持