自《港區國安法》實施，街頭暴亂買少見少，網上常見黃友「放負」，憂心步「雨革」分裂後塵，大呻「運動已完」云云。儘管黃途陷末路，兵敗如山倒，但仍有人死心不息，妄想力挽狂瀾，有「連登仔」近日開po為「手足」打氣，死撐話鬥爭仍未結束，仲話「形勢大好」添！

黃營形勢真係咁樂觀？《港區國安法》與香港警隊兩座大山在前，黑暴勢力已不可能翻身，「街頭路線」既已收檔，且看「議會路線」又如何？

來年立法會是去是留，反對派諸君彈出又彈入，至今未能統一陣線，黃色政棍可以搵千百個理由為自己保留議席，但「手足」肯唔肯收貨，又係另一回事！

「鍾氏民調」下星期一先開始，但有一份來自「公民社會研究所」嘅民調結果已率先出爐，顯示足足有76%受訪者希望泛民辭任立法會議員，如果泛民最終都係唔捨得月入十萬嘅高薪厚職而選擇留低，勢必得罪黃友以致內部分裂；如果泛民接受「民意」而離開議會，咁就好喇，「議會路線」正式玩完！

無論係「街頭路線」又好，「議會路線」都好，黃色陣營點揀都輸，此之所謂黃途末路，仲講咩「形勢大好」，想笑死人咩！都係乖乖地接受現實罷啦！我喺度正式宣布，場運動你哋已經輸＿咗㗎喇！

原圖：無綫新聞截圖