《港區國安法》生效之後,街頭暴亂息微,香港人難得過上平靜日子。眼見反修例暴亂步入尾聲,近日網上討論區「連登」就有人發文總結暴亂以來嘅「戰績」,呼籲「手足」切勿灰心,黑暴陣營依然「形勢大好」,唔知大家點睇?
有關帖文題為〈聽講近排好多人話聞到雨傘後期陣味〉,指最近有好多人聲稱好驚「重現分裂」、「聞到雨革陣味」,文章因而列出多項2014年非法佔中同2019年反修例風波嘅比較,指兩場亂事無論喺規模、耐力、定係影響力等方面都完全不同,「一年就達到呢個效果你同我講叫輸?」「2019年我哋比想像中仲要成功」、「我哋已經做到比當初預期中好得多」。
該帖成功吸引大批「手足」圍爐,唔少人仍妄想「抗爭」重現街頭,「依家真係冇遊行咋,一有就過百萬」、「試吓依家批張不反嚟,50-100萬冇難度」、「如果無黨安法同有不反遊行,應該來多次200萬遊行都冇問題」;不過亦有人唱反調:「幾時先肯承認其實已經輸咗!」
有《港區國安法》及警隊守護香港,黑暴勢力有咩可能翻身?對於黃友今時今日仍心存僥倖,你又有咩想講?
原圖:無綫新聞截圖、LIHKG討論區截圖
投票已截止,多謝支持