壹傳媒股價喺一個月內不尋常地暴升暴跌，市值由不足三億元一度急升至逾五十億元，比TVB更值錢。阿哥，盲嘅都睇到有古怪喇，奇就奇在證監會同埋廣交所未見有任何行動，反而周融一早予以分析，並詰問證監會點解唔停市？

筆者相信警方「越俎代庖」做咗嘢，拘捕咗十五人涉嫌利用手機通訊軟件作溝通工具，透過買賣壹傳媒股票舞高弄低股價，從高位獲利，有人更從中獲利超過二千五百萬元；相信其中有更多細節公眾都想知道，而證監會總不能再龜縮「不予置評」啩？

嗱！凡牽涉黎智英嘅都唔慌有好嘢！正如筆者大早所說，人無善志，雖勇必傷。觀乎佢辦報搞傳媒，除了走在反中亂港最前線，就是誨淫誨盜，引入狗仔隊無所不用其極侵名人、藝人私隱，跟縱、偷拍、造假，以不良報道只求吸引讀者眼球，以求多銷售。尤其令人不齒嘅係揑造故事，破壞人哋家庭！

墮落成咁卻開口埋口講感恩神

至於採訪賤招，更是那渣到無人有。好似〇二年於上海寓所自殺身亡嘅性感女星陳寶蓮，其遺照更成為《壹週刊》嘅封面，令人看後感到極度不安；事隔一年後，即〇三年「哥哥」張國榮於東方文華酒店跳樓自殺身亡，《壹本便利》記者即日去張寓所「摷垃圾」，聲稱找到張嘅三袋「遺物」。報道手法出位成咁，可謂人神共憤！

往事已如煙，筆者之所以舊事重提，只是想戮穿黎智英虛偽卑劣嘅一面！佢最近因《港區國安法》被捕，保釋其間同填詞人林夕「深情對話」，又表示「家人對佢最重要」，不是事業名譽，說罷更忍不住泣數行下！好心喇，做咗咁多破壞人家夫妻、家庭嘅陰騭事，自己「重視家人」卻懶理他人「冚家富貴」？難怪有論者指始終天理循環，報應不爽！

黎智英墮落成咁，卻又開口埋口講感恩神！看官，這不是魯迅先生所說的有些人一天天的滿足着，即一天一天的墮落着，但卻又覺得日見其光榮嗎？之不過，一個人的品格道行，是好是劣、是英雄還是漢奸狗熊，畢竟不是誰人說了算。筆者相信不須「再過幾年，你且看他」，一個人作惡多端都好幾十年啦，仲有幾年彩數？吾不信也！

原圖：文匯報

http://news.wenweipo.com/2020/04/18/IN2004180042.htm