前香港眾志秘書長黃之鋒去年參選區議會海怡西選區，被取消參選資格，無得入閘。黃之鋒被DQ參選資格後心有不甘，提出司法覆核，司法覆核許可今日於高等法院處理，官押後裁決。當中，律師司一方質疑黃之鋒之所以拒絕透過選舉呈請提出挑戰，其實係為咗避免令盟友失去議席。

黃一方稱非想挑戰結果

黃之鋒方批評選舉主任DQ嘅準則不明，又質疑選舉主任不斷「搬龍門」，更指今次嘅司法覆核唔係質疑選舉結果，而係要求釐清選舉主任權力，避免再有同類訴訟云云。同時指案件涉及公眾利益，稱黃之鋒關注自己嘅政治權利，包括參選權等等，又強調黃之鋒有妥當動機，唔係想挑戰選舉結果喎。

而代表律政司一方嘅則為資深大律師余若海，在陳詞時指根據《區議會條例》49（2）條早已訂明，任何針對民選選舉嘅質疑，都只可透過選舉呈請方式提出，而一旦選舉呈請成功，就會反映該次選舉中必然有重大不尋常出現，因此必定沒有任何人係妥為當選，故余若海指，黃之鋒唔可以透過司法覆核提出質疑，然後又要求法庭運用酌情權免推翻原有選舉結果。

黃被質疑講一套做一套

對於黃之鋒指若然無法提出司法覆核，即係對獲《基本法》35條保障的訴訟權利構成侵犯一說，余若海就話黃之鋒嘅訴訟權利唔單止冇被侵犯，同時更獲得更好嘅權利，對於黃之鋒點解唔提出選舉呈請，偏要投訴訴訟權利受侵犯，余若海一針見血地指出，背後原因係黃之鋒唔想令已當選嘅盟友被DQ議席。

另外，黃之鋒質疑選舉主任DQ佢係基於對佢嘅政治信念作出懲罰，余若海就指出，黃之鋒有權抱有某些想法，但當黃將有關諗法透過簽署聲明展現出嚟時，咁就唔單止係諗法，余若海由此質疑黃之鋒講一套做一套。

對於律政司一方質疑黃之鋒的覆核方式，你又有何意見？不妨留言講講。

原圖：星島日報

https://std.stheadline.com/realtime/article/1340045/%E5%8D%B3%E6%99%82-%E6%B8%AF%E8%81%9E-%E5%8F%83%E9%81%B8%E5%8D%80%E2%80%AC%E8%AD%B0%E6%9C%83%E8%A2%ABDQ-%E9%BB%83%E4%B9%8B%E5%B3%B0%E7%94%B3%E5%8F%B8%E6%B3%95%E8%A6%86%E6%A0%B8%E8%A8%B1%E5%8F%AF%E4%BB%8A%E8%81%86%E8%A8%8A