反修例風波，令我哋見證到多位前線執法者嘅英勇，但同時令大家印象深刻嘅，仲有警察公共關係科等部門嘅師兄師姐，而提到警察公共關係科，大家一定會諗起「四點鐘記者會」嘅高級警司江永祥，近日警察公共關係科大換班，其中江永祥調往輔警支援課，位置由警界狀元梁仲文接替，而警司高振邦則調到機動部隊。

繼總警司謝振中去年11月已調職，由郭嘉銓接管後，現時媒體聯絡及傳訊高級警司江永祥則會調往輔助警察隊總部嘅輔警支援課，江永祥接受媒體訪問時，坦言自己加入PPRB兩年幾，最難忘嘅，係出席「四點鐘記者會」，更指在在重大挑戰中為警隊出力感到榮幸，同時感謝同事、上司及市民支持，而對於今次調任，江Sir就話太太同子女最開心，因為有更多時間陪家人。

高Sir將披防暴裝備上衝突現場

據悉，接替江Sir嘅42歲梁仲文係港大工商管理一級榮譽學士，於2001年加入警隊成為督察，更喺3次警隊專業考試獲得10科「優異」及1科「優良」佳績，絕對稱得上警界狀元。

另傳媒聯絡隊副主管高Sir已於本月已調往機動部隊，約受訓4個月，之後會喺行動部的應變大隊駐守約3個月，其後再調往駐守「西九龍總區」嘅機動部隊，即是話，大家更有望在數月後，喺衝突現場見到披上防暴裝備嘅高Sir！而高Sir原來職務會由人事部總督察張家寶接替。

無論調任咩位置，你哋都係守護香港市民嘅執法者，祝阿Sir英才得展！

原圖：無綫新聞截圖、星島日報圖片、香港警察Facebook圖片

https://std.stheadline.com/realtime/article/1336658/%E5%8D%B3%E6%99%82-%E6%B8%AF%E8%81%9E-%E7%B6%AD%E6%B8%AF%E6%9C%83-PPRB%E5%A4%A7%E6%8F%9B%E7%8F%AD-%E6%A2%81%E4%BB%B2%E6%96%87%E6%8E%A5%E6%9B%BF%E6%B1%9F%E6%B0%B8%E7%A5%A5

https://www.facebook.com/HongKongPoliceForce/