美國疫情肆虐,每天都有數萬國民確診,死亡人數更超過15萬人,情況非常不樂觀。特朗普政府抗疫不力,只管一味將責任推向中國,做法連好多美國人都睇唔過眼!據美媒CNN民調顯示,侵侵嘅支持度已落後對手拜登12%;而美國ABC News嘅數據顯示,有60%受訪者唔滿意佢嘅抗疫表現,可見侵侵選情凍過水。本來侵侵好唔鍾意戴口罩,但上周佢突然在社交平台曬自己戴口罩嘅相片,被CNN揶揄佢知道自己支持度大幅插水,先肯跪低。
侵侵如今被指為咗連任先會認低威,但畀人感覺內心就千萬個不願意!早前,佢被傳媒問道點解要改自己堅持唔戴口罩嘅立場,佢只是嘴硬話:「同樣的專家當時認為無需要戴口罩,而家佢哋就覺得要!」有嘢又係賴落專家度。
堂堂大國領導人,侵侵竟然同國際社會講呢啲,咁高質,值得連任嗎?
原圖:Donald J. Trump Facebook
https://www.facebook.com/DonaldTrump/photos/a.488852220724/10165121205130725/?type=3&theater
投票已截止,多謝支持