英國跟住美國玩針對，早前更提出BNO持有人的入籍途徑。中國隨即發出警告，外交部便曾指將考慮不承認BNO作有效旅行證件(請按此重溫)。今日更有消息指中國或再有反撃招數，身兼全國港澳研究會理事的法律學者、北京航空航天大學法學院副教授嘅田飛龍分析指，對於英國開放BNO持有人入籍途徑一事，人大常委或會釋法，更指由此途徑入籍英國者隨時會失去香港居留權。

或同時失中國國籍

田飛龍接受《無綫新聞》採訪時表示，如果英國執意開放BNO持有人入籍嘅話，人大常委會可能會就《基本法》第二十四條釋法。第二十四條訂明，在香港出生、或在香港通常居住連續七年以上的中國公民等，都是香港永久居民；而《基本法》附件三嘅《國籍法》第三條則列明中國不承認中國公民有雙重國籍。

田飛龍指出若英國真係走到呢一步，到時就係居英權同居港權可二選一，更指如香港永久居民得外國國籍，特別係BNO基礎上獲得英國國籍，就會自動喪失中國國籍，同時都喪失香港永久居留嘅資格。

究竟是去是留，各人自有選擇，是英國好抑或香港好，屆時讓大家拭目以待！

原圖：無綫新聞截圖